Proxectos de dimensións considerables levántanse e seguen adiante en tempos de recortes… outros sofren directamente o efecto dos axustes e chegan ao seu fin. De hoxe en quince días o programa Preescolar na Casa termina despois de trinta e cinco anos de andaina. Neste tempo desempeñaron un importante labor pedagóxico con pais e nenos. (Texto web V Televisión)

(Ver nova na web de V Televisión)

Manuel Rivas,no diario El País de hoxe, tamén fai unha referencia a Preescolar na Casa “…A supresión dun servizo exemplar como era até hoxe mesmo Preescolar na Casa, despois de décadas de laborioso tecido, merecería unha denuncia ante Dereitos Humanos da ONU…”. Reiteramos que todas estas mostras de respecto cara ao noso traballo fannos máis levadeira a situación tan dura que estamos a vivir.

(Ver artigo no diario El País)

Diante da situación na que estamos non podemos máis que dar as grazas máis sentidas a todas as persoas e institucións que nos fan chegar o seu apoio e que fan sentirnos reconfortados, valorando todo o traballo que desenvolveu Preescolar na Casa ao longo de todos estes anos. Reproducimos o texto publicado na contraportada do diario El Progreso o 11 de xuño de 2012:
Vendo a intensidade, emoción e cariño cos que Marisol Fernández Rocha fala, defende Preescolar na Casa un reafírmase en que este proxecto está construído sobre piares de compromiso persoal, entrega e valentía. Que está construído sobre a firme crenza de que Galicia non pode, non ten por que avanzar a dúas velocidades, non ten por que haber nenos de primeira e de segunda. De que é posible a igualdade de oportunidades no noso rural, un rural que é precisamente a nosa maior riqueza, o noso futuro. Marisol, unha mestra de Rececende (A Pontenova) que leva toda a vida dedicada á ensinanza (nas escolas unitarias da Fonsagrada, no instituto de Meira…) , recolleu a testemuña do extraordinario labor de Ermitas Fernández, a anterior presidenta de Preescolar na Casa, e do fundador, Antonio Gandoy. Marisol fixo súa a utopía realizable do cura da bicicleta dende o principio, hai 34 anos, cando ela pasou a formar parte dese proxecto e contribuíu a poñer en marcha e dirixiu o programa de Preescolar na TVG. Agora, como presidenta da Fundación, afronta con enteireza e espírito de loita o difícil e doloroso papel que lle tocou: a incerteza sobre o futuro de todo un modelo sociopedagóxico que ten demostrado que funciona, que é un referente a nivel internacional, pero tamén que segue sendo hoxe igual ou máis útil que cando botou a andar. Eu non fun un neno de Preescolar na Casa, pero sería unha honra telo sido, polos valores nos que está inspirado e polos froitos que ten dado. Sería unha honra vivir as experiencias que miles de nenos da nosa provincia tiveron a sorte de vivir, sobre todo vendo a estima que lle teñen as familias e escoitando o apoio e o cariño cos que, os hoxe rapaces, falan dos seus recordos neste proxecto modélico grazas a persoas como Marisol . Non podemos consentir que a crise se leve por diante ideas tan xeniais, que garanten unha sociedade máis igualitaria e xusta , porque só conseguiremos que nas cidades haxa xente sen espazo e nas aldeas, espazos sen xente.
José Ramón Gómez Besteiro

Utopía Realizable PnC Progreso 11-06-12

Milagros Candal, orientadora da Fundación Preescolar na Casa explica en Televinte, Chantada, a situación crítica pola que está a pasar este programa educativo con 35 anos de historia.

Neste último programa do curso volve a estar connosco Francesco Tonucci, mestre, pedagogo, escritor e debuxante recoñecido a nivel mundial. Aproveitando a súa presenza no XI Encontro de Familia e Escola, falamos con el de nenos, de familia, de sociedade e de educación. Na entrevista de hoxe centrámonos no papel da escola de hoxe, nunha conversa máis que interesante. A visión da infancia e da educación de Tonucci están moi próximas ás que temos en Preescolar na Casa. Tonucci é un lúcido pedagogo que analiza a infancia e ensina a Read the rest of this entry »

Nenos, nenas, pais e nais dos Espazos das Familias de Preescolar na Casa achéganse ata a escola, para preparar ese paso tan importante e ás veces tan traumático que é a chegada de setembro cando os fillos teñen que incorporarse á escola por primeira vez. Trátase esta dunha actividade que a Fundación Preescolar na Casa ven facendo sistematicamente nos meses de maio e xuño.

“… El monumento al cura de la bicicleta, Antón Gandoy, nos recuerda, allí al lado de la Fonte do Rei, que Preescolar na casa fue un proyecto y lo es, que ha dado sabrosos frutos de justicia y cultura para nuestro pueblo y otros pueblos de España e incluso en el extranjero…”

Estas palabras sobre Preescolar na Casa aparecen recollidas no artigo publicado en La Voz de Galicia, o día 3 de xuño. Mario Vázquez, Director da Vicaria de Ensino e a Delegación de Pastoral Universitaria da Diocese de Lugo, firma dito artigo.

(Ver artigo en La Voz de Galicia)

– A ORIXE E LIñAS PROGRAMáTICAS DO PROGRAMA.-

Preescolar na Casa nace da iniciativa de “Don Antonio Gandoy”, “O cura da bicicleta”, quen ocupou a súa vida nos necesitados e na formación de “nenos e nenas da aldea”, integrando nestas xeiras a moitas persoas. Nos seus comezos incide no rural onde a cultura e a educación traen liberdade, progreso e valores para os nenos, a gran esperanza de futuro.

A Administración central, os sucesivos gobernos de Galicia, deputacións,  concellos e institucións diversas prestaron apoios, entre eles os económicos.

Comeza en “Cáritas” e vai medrando en complexidade administrativa, económica, contable e de persoal, ata que o Fundador renuncia a ser referente e propicia un Padroado de persoas, con diversas formas de ser e pensar, e uns Estatutos que plasman o espírito do Programa, dinámico e adaptado aos cambios sociais, ate servir hoxe a preto de 4.000 familias. Os membros do Padroado axudamos desinteresadamente.

– A SITUACIóN ACTUAL.-

A Xunta reduciu o importe da subvención e mentres non resolve neste exercicio o retorno ao nivel de financiamento que viña prestando así como mentres non chegue o momento en que poida coñecerse o importe de financiamento que asigne a Preescolar na Casa o Goberno de España, como son  insuficientes as achegas de Deputacións, Concellos (de xeito senlleiro  pola súa contía da Deputación de Lugo e do Concello de Lugo) e outras institucións, non foron dabondo os efectos da aplicación dos EREs de suspensión e de extinción con redistribución do persoal e servizos nas comarcas onde se veñen atendendo a máis de 3000 nenas e nenos.

– AS XESTIóNS PARA AFRONTAR A NOVA SITUACIóN.-

Quen integramos o Padroado, ningunha satisfacción temos nestes intres na perspectiva da agonía dun Programa por insuficiencia financeira. Seguimos a pedir axuda, especialmente ás institucións que viñeron apoiando economicamente; temos acudido a moitas portas, logrando reunións e contactos coas administracións, institucións públicas e privadas, e empresas; tamén houbo iniciativas parlamentarias.

Os que integramos o Padroado temos que destacan as actividades que coa mesma finalidade teñen afrontado os traballadores de Preescolar na Casa en xeral e da súa representación sindical en particular, que respectamos e valoramos.

Como resultado, obtivéronse algunhas respostas positivas pero insuficientes, que non evitan a previsión dunha próxima e inevitable insuficiencia financeira.  Polo tanto, temos que seguir coas xestións.

– A OBRIGA LEGAL.-

Neste marco, o Padroado ten a obriga legal e ética de adoptar medidas porque, non existindo na actualidade débedas consolidadas, resulta unha carencia de ingresos que permitan atender as actividades ordinarias.

Así, Preescolar na Casa, non pode ficar en pasividade que dane a acredores e traballadores, que poderían verse nunha situación de activos laborais sen percibir as retribucións nin prestacións; e, polo tanto, Preescolar na Casa instará Concurso de acredores, como vía legalmente establecida para tentar subsistir.

é obrigado un concurso que evite o desamparo xurídico de acredores de futuro (na maioría traballadores) e intente, no posible, que siga a prestación de servizos ordinarios que lexitima a existencia de Preescolar, coa aplicación dos áxiles e flexibles medidas das normas concursais no ámbito xudicial.

– UN FUTURO INCERTO.-

A retirada de subvencións por parte das institucións que viñan facendo posible actividades conduce a agonía do Programa de Preescolar na Casa, que se tenta evitar mediante os efectos do Concurso voluntario, pero, non obstante, o Padroado e consciente das dificultades que estamos a vivir pola situación de crise, e, por iso, pide ás institucións que se fagan os esforzos posibles, ao tempo que deixa constancia do agradecemento polos apoios recibidos e que fixeron posibles durante moitos anos unhas actividades tan rendibles.

Precisamente hoxe citan a Preescolar na Casa no xornal El Tiempo, de Bogotá (Colombia), presentando Preescolar na Casa como modelo pioneiro:

“Esta modalidad de educación dirige la atención pedagógica de los niños y jóvenes hospitalizados o en tratamientos médicos. Los programas de este tipo existen hace muchos años en Europa. El ejemplo pionero es Preescolar na Casa, una idea que el sacerdote Antonio Gandoy puso en marcha en 1977 en la fundación Cáritas Diocesana de Lugo (España). Su finalidad era disminuir el atraso considerable en la adquisición de destrezas escolares que tenían los niños en edad preescolar de las zonas rurales con respecto a los menores de edad de la ciudad…”

(Ver nova en El Tiempo.com”)

Francesco Tonucci é un nome grande no mundo da pedagoxía. Mestre, pedagogo, escritor e debuxante, é capaz de plasmar a visión que do mundo teñen os máis pequenos. Aproveitando a súa presenza no XI Encontro de Familia e Escola fomos ata o Barco de Valdeorras a falar de nenos e nenas, de familia, de sociedade e de educación. A súa visión e as súas tentativas son moi próximas ás que temos en Preescolar na Casa. Tonucci é un lúcido pedagogo que analiza a infancia e ensina a mirar o mundo con ollos de neno Read the rest of this entry »