Un inspector do ensino sobre Preescolar na Casa
Facémonos eco dunhas palabras sobre Preescolar na Casa dun inspector de ensino, publicadas no diario dixital Praza Pública:
“… Canto a Preescolar na Casa, un proxecto que a pesar de insistentes reivindicacións nese sentido, nunca chegou a ser integrado no sistema de ensino público, porque ningún goberno entendeu o seu valor. Agora perde a subvención de fondos públicos, e, Estévez afirma con rotundidade, péchase por simple descoñecemento, e con iso esváese unha aprendizaxe de nenos e de nais que foi pioneira no mundo e modelo de éxito exportado internacionalmente por Galicia. Aquí non sabemos valorar o que temos…”