A Facultade de Formación de Profesorado de Lugo e o Departamento de Teoría da Educación, Historia da Educación e Pedagoxía Social da USC manifestan a través dunha declaración institucional aprobada no seu último consello o seu apoio á “longa e valiosa traxectoria de traballo pedagóxico e social da Fundación Preescolar na casa”.

Tanto o centro como o departamento universitarios, conscientes do momento “especialmente crítico” para esta entidade “debido á drástica redución das axudas que viña recibindo”, demándanlle á Xunta de Galicia que dispoña “os orzamentos necesarios que permitan asegurar no tempo un financiamento estable dos seus programas educativos”.

(Podes picar aquí para ver a nova na web da USC)