A Presidenta da Fundación Preescolar na Casa, proposta como Dama da Orde da Alquitara de Portomarín
O Cabildo da Orde Serenísima da Alquitara de Portomarín propuxo que na próxima Festa da Augardente, que se celebrará o domingo de Pascua, se incorporen a esta agrupación doce Cabaleiros e tres Damas. A presidenta da Fundación Preescolar na Casa, Marisol Fernández Rocha, será unha delas. Recibirán esta distinción, xunto a Marisol, o bispo de Lugo, Alfonso Carrasco Rouco, o director de De Luns a Venres, Alfonso Riveiro, o subdelegado do Goberno en Lugo, Ramón Carballo, o director xeral de Conservación da Natureza, Ricardo García Borregón, o alcalde de Pedrafita, José Luis Raposo, o de Arzúa, José Luis García López, o tenente de alcalde de Begonte, José Antonio Vázquez, o secretario xeral de Unións Agrarias, Roberto García, o avogado Antonio Vázquez Portomeñe, o presidente da Asociación de Amigos do San Froilán de Barcelona, Manuel Fouce Díaz, o escritor Iago Pérez Santalla, o exdirector da banca Luis Mozo Aguilar, a alcaldesa de Triacastela, Olga Iglesias e a cosecheira local Milagros López López.
Esta distinción ven a recoñecer o traballo levado a cabo pola Fundación Preescolar na Casa en todos estes anos.