Author Archive
O Programa Akal: Educación para o consumo
O Instituto Galego de Consumo, adscrito á Consellería de Economía e Industria oferta obradoiros de educación para o consumo. O programa Akal desenvólvese a través de actividades formativas organizadas cunha metodoloxía dinámica e participativa, coordinadas por persoal especializado. Ofertase, ademais un servizo de asesoramento en materia de educación para o consumo, así como materiais didácticos de apoio en réxime de préstamo.
Para obter máis información sobre o Programa Akal visita a páxina do Instituto Galego de Consumo.
Relatorios do Encontro Estatal “Educación para la Primera Infancia”, no que participou a Fundación Preescolar na Casa
O Ministerio de Educación publica na páxina web do “Encuentro entre entidades locales: Educación para la Primera Infancia”, celebrado en Madrid en octubre de 2010, as intervencións de distintos relatores, entre as que se atopa a realizada pola Fundación Preescolar na Casa.
A través desta páxina pódese acceder a intervencións xerais sobre as necesidades da infancia e formas de intervir, así como a experiencias concretas.
Actividades de dinamización lingüística para familias con nenas e nenos ata 18 anos
A Secretaría Xeral de Política Lingüística, a través do programa Bocaberta, desenvolve actividades de dinamización lingüística para nenas e nenos de ata 18 anos en diferentes concellos de Galicia.
A información máis completa sobre datas e lugares de celebración das mesmas pode verse na páxina web da Secretaría Xeral.
Novas publicacións da Fundación Bernard van Leer sobre a infancia
A Fundación holandesa Bernard van Leer ven de publicar Espacio para la infancia, nº34, baixo o título “Los niños pequeños en las ciudades: desafíos y oportunidades”; responde á necesidade de entender mellor un dos tres obxectivos estratéxicos da Fundación: mellorar o contorno físico no que viven os nenos pequenos, e neste caso, as distintas características dos contornos urbanos que inciden sobre o desenvolvemento físico e mental dos nenos pequenos ao longo das súas vidas.
No novo exemplar de La primera infancia en perspectiva, que constitúe o número 6 desta serie, da mesma Fundación, co título “Cultura y aprendizaje”, reflexiona sobre en qué medida se deben entender o desenvolvemento e a aprendizaxe como procesos culturais que varían dunha comunidade a outra e dunha sociedade a outra e ata qué punto se trata, en cambio, de procesos naturais que seguen sendo os mesmos para tódolos nenos e en todas partes. Nesta edición, preséntanse cuestións trascendentais con incidencia nas políticas acerca do lugar que ocupa a cultura nos programas dirixidos á primeira infancia e, da mesma maneira, a función que ditos programas desempeñan na vida cotiá dos nenos pequenos, as súas familias e comunidades.
Estes exemplares poden solicitarse de forma gratuíta ou descargarse en formato pdf na páxina web da Fundación Bernard van Leer.