Posts Tagged ‘primeiros anos’

Francesco Tonucci é un nome grande no mundo da pedagoxía. Mestre, pedagogo, escritor e debuxante, é capaz de plasmar a visión que do mundo teñen os máis pequenos. Aproveitando a súa presenza no XI Encontro de Familia e Escola fomos ata o Barco de Valdeorras a falar de nenos e nenas, de familia, de sociedade e de educación. A súa visión e as súas tentativas son moi próximas ás que temos en Preescolar na Casa. Tonucci é un lúcido pedagogo que analiza a infancia e ensina a mirar o mundo con ollos de neno Read the rest of this entry »

Enriqueta Alonso e Juan Antonio Pinto Antón, da Fundación Preescolar na Casa, charlan con Flor Robleda sobre os nenos e as pantallas no programa de Telelugo “De tarde en tarde”.

I Xornadas Educando na Infancia e na Adolescencia (Preescolar na Casa)

A Fundación Preescolar na Casa, a Fundación SM e a Escola Universitaria de Formación de Profesorado de Lugo-USC, organizan estas primeiras xornadas coas que, baixo o título Unha mirada á primeira infancia, se inicia un ciclo de debate centrado nos primeiros anos  que se pretende teña continuidade noutras xornadas que abordarán as etapas da infancia (6-12) e adolescencia (12-16).

Comezaremos polos primeiros anos, pola etapa 0-6, por ser a base da educación e desenvolvemento das persoas.

Como se concreta no Programa Unha mirada á primeira infancia, faremos unha análise da resposta que estamos dando ás necesidades dos nenos, a nivel global (políticas de infancia) e desde contextos particulares (familia, escola, comunidade); queremos elaborar unha visión da infancia desde as súas necesidades e as súas competencias, que nos leven a definir e comprender modos de intervención acordes coas mesmas, e respectuosos coas distintas realidades actuais (inmigración, novas tipoloxías familiares,…). 

As persoas interesadas nesta temática poden inscribirse a partir do día 4 de febreiro a través da páxina web da Fundación Santa María.

Ver reseña na Revista Galega do Ensino, EDUGA, editada pola Consellería de Educación da Xunta de Galicia.

Preescolar na Casa defende que as vivencias acontecidas nas primeiras idades son fundamentais para a personalidade futura. Unha sociedade que se prece non debería escatimar en gastos para que a atención aos nenos e nenas sexa a mellor e máis axeitada posible, e a ser posible dende a propia casa e dende a propia familia, coas persoas que os queren e coidan. O pensador Eduardo Punset fala neste artigo publicado en XL Semanal de que “ata os sete anos, os nenos son o mellor exemplo dun departamento de I­­+D con gastos pagos, que non podemos abandonar a súa sorte se queremos sobrevivir”.