Posts Tagged ‘comunidade’

Preescolar na Casa en Praga: alternativas ao despoboamento, envellecemento e transformacións rexionais

Este martes 28 de xuño Preescolar na Casa presentarase en Praga no marco

Illamento (PnC)

Illamento (PnC)

da conferencia “Cambio Demográfico en Europa. Solucións para a educación, aprendizaxe permanente e mercado de traballo”.  A nosa compañeira Celia Armesto será quen se encargue de facer esta presentación nunha mesa na que se expoñerán experiencias doutras rexións da Unión Europea.

O programa de Preescolar na Casa forma parte deste panel de experiencias despois de pasar un proceso de selección en Wroclaw, Polonia. Daquela foi a experiencia mellor valorada das 30 presentadas.

A conferencia intégrase no Proxecto DART (Despoboamento, Envellecemento e Transformación Rexional), que busca deseñar unha estratexia que mellore a efectividade das políticas de desenvolvemento rexional. Con este obxectivo identifícanse e analízanse prácticas que se desenvolven en rexións europeas afectadas por estas problemáticas. O traballo organízase en tres grupos: educación e formación ao longo da vida (no que participa Preescolar na Casa), atención sanitaria e economía. As conclusións que deriven deste intercambio de experiencias nestes tres ámbitos coñeceranse en 2012.

Final de curso en Marcelle Natureza

Aproveitando o remate do curso, as nais, pais, nenos e nenas participantes nos Espazos das Familias de Preescolar na Casa da zona de Lugo Sur, visitarán o vindeiro día 23 o Parque “Marcelle Natureza”, no Concello de Outeiro de Rei, Lugo. Tamén o farán, a partir das cinco da tarde, familias da zona de Lugo Norte, dos concellos de Castro de Rei, Begonte, Outeiro de Rei, Muras, Cospeito e Rábade.

Nesta visita pretendemos coñecer o noso contorno natural próximo e animais que non temos no noso ámbito, ao tempo que pasamos un día de aprendizaxe e divertimento en compañía.

Marcelle Natureza

Marcelle Natureza

Concretamente, esta experiencia ten como finalidade:

- Coñecer outros seres vivos que existen no noso medio (animais, prantas…).

- Fomentar o respecto e valoración do contorno.

- Favorecer as relacións entre as diferentes familias participantes nos Espazos das Familias de Concellos limítrofes.

- Compartir un tempo de lecer entre pais e fillos e entre os propios nenos e nenas.

Esperamos que gocedes da experiencia.

Concerto para bebés en Monforte

A Fundación Preescolar na Casa quixo achegar a música clásica á infancia cun concerto en directo o mes pasado en Monforte. Con estes concertos tratamos de contribuír a que nais, pais e fillos poidades gozar da música e descubrir a importancia que ten no desenvolvemento global das persoas, así como para axudar a nenas e nenos a desenvolver distintas capacidades como a sensibilidade auditiva e a gozar cos sons e coa música. Iste evento foi posible grazas á colaboración do Conservatorio Municipal Mestre Ibañez e o patrocinio da Delegación de cultura do Concello de Monforte de Lemos. Agradecemos o seu esforzo a todas as persoas implicadas na organización do Concerto e a todos os que alí estivechedes, grazas.

Aquí tedes unhas fotos por si as queredes descargar:

Fomento da lectura e divertimento na praia

Agora que chega o bo tempo, nais, pais, nenos e nenas participantes nos Espazos das Familas de Preescolar na Casa aproveitan para realizar distintas actividades ao longo de toda a xeografía galega. Así, na biblioteca de Ribadeo, realizáronse actividades de fomento da lectura, e está prevista para o día 21 unha convivencia no campamento infantil de A Devesa, convivencia á que acudirán as máis de 200 familias da zona que participan no programa (Ver noticia en El Progreso). (Ver noticia en La Voz de Galicia).

Realizouse tamén outra visita á biblioteca municipal de Alfoz cos mesmos obxectivos de fomento da lectura. (Ver noticia en La Voz de Galicia).

Preescolar na Casa no Aquarium Finisterrae

O martes día 16, nais, pais, nenos e nenas participantes nos Espazos das Familias de Preescolar na Casa de Sarria, Láncara, Samos e Triacastela desprazaranse ata a provincia de A Coruña para visitar o Aquarium Finisterrae. Rematarán o día na praia de Gandarío, nunha xornada chea de goce, lecer e aprendizaxe.

Divertimento e aprendizaxe en Friol

Este luns día 13, a partir das 11:00 xuntaranse en Friol, Lugo, nais, pais, nenos e nenas dos Espazos das Familias da zona,  nunha xornada de convivencia, goce, divertimento e aprendizaxe. Haberá actividades para todos e todas, organizadas por rincóns. Os rincóns da auga, o da area, a zona de psicomotricidade, o rincón da música, o dos contos, o espazo dos bebés, …, farán neste día máis divertida e enriquecedora a tarefa de ser nai e de ser pai.

Unha xornada moi similar terá lugar en Guntín o xoves día 16.

Xuntanzas de Convivencia en Ourense

Xuntanzas PnC en Ourense

Xuntanzas PnC en Ourense

Un ano máis, os pais, nais, nenas e nenos que participan nos Espazos das Familias da provincia de Ourense, reuniranse nas diferentes Xuntanzas de Convivencia que se organizan en distintas comarcas desta provincia. (Ler noticia en La Región).

A primeira será este venres, día 10, en Vilariño de Conso, na área recreativa (Ver nova concreta desta xuntanza). Na semana seguinte faranse en Rioseco, no concello de Paderne de Allariz, o día 14, e o día 16, na Bola, na área recreativa de Veiga.

Haberá actividades pensadas para que compartan nenos e adultos: espazos de xogo, de contos e lectura e diversos obradoiros. A música e a reciclaxe tamén terán cabida nestas xornadas.

A intención destas xuntanzas é a de facilitar o encontro de tódalas nais, pais, nenas e nenos que participan nos Espazos das Familias na zona, pero haberá sitio tamén para as que non participan teñan a posibilidade de coñecer o programa desenvolvido pola Fundación.

Encontro interxeracional: nenos e maiores xuntos

Hoxe 6 de xuño tivo lugar no Centro Social Maruja Mallo, do Concello de Lugo un encontro interxeracional no que participaron nais e nenos dos Espazos das Familias de Preescolar na Casa e as persoas maiores do Centro de Día Antonio Gandoy, xestionado por Alalás.

Tratábase de compartir tempo a redor dunha actividade na que puideran participar tanto os nenos coma as persoas maiores con menos mobilidade, así que se lles propuxeron diversas actividades de expresión plástica.  Sobre un mural compartido pintaron con pincel e esponxas. Logo pegaron sobre el papeis, plumas e fíos.  Máis aló do traballo coas mans, e do exercicio de creatividade, a actividade permitiulles aos nenos atopar o ritmo, máis pausado, dos maiores.

A experiencia foi satisfactoria e enriquecedora para tódalas partes, e abriu a porta a unha colaboración máis continuada entre a Fundación Preescolar na Casa e Alalás.

Concerto para bebés en Monforte

Concerto Preescolar na Casa e Conservatorio Mestre Ibáñez

Concerto Preescolar na Casa e Conservatorio Mestre Ibáñez

Este martes 10 de maio, no Edificio Multiusos de Monforte celébrase o concerto para bebés que organiza a Fundación Preescolar na Casa, coa colaboración do Conservatorio Mestre Ibáñez. A actividade pretende ofrecer aos nenas e nenos a posibilidade de  achegarse á música clásica.

Mestres e alumnos do conservatorio interpretarán movementos ou versións reducidas de obras clásicas, nun escenario que vai facilitar a interacción co público. Aconséllase que cada familia leve unha manta para que nenas e nenos poidan estar no chan, con liberdade para moverse. Os músicos desprazaranse entre eles para que ademais de escoitar,  vexan, e mesmo toquen e manipulen, os distintos instrumentos.

Prevense dúas sesións de trinta minutos. A primeira, ás 16:30, para nenas e nenos ata os 18 meses. A segunda, ás 17:30, para os maiores desa idade.

A comunicación xoga un papel fundamental ó longo da vida das persoas. Especialmente nos primeiros anos, pois vai contribuír ao Read the rest of this entry »

Memorias dun neno labrego (Programa nº 675 na TVG)

Portada Memorias dun neno labrego

Portada Memorias dun neno labego

(Podes ver o programa aquí). Xosé Neira Vilas non precisa presentación. Un escritor galego universal, autor dunha obra tamén universal, que este ano cumpre 50 anos da súa primeira publicación: Memorias dun neno labrego. Libro lido por varias xeracións de lectores, fala de Balbino, ese neno de aldea no que moitos se viron reflectidos. Hoxe falaremos con Neira Vilas, que amablemente abriu as portas da súa Fundación a Preescolar na Casa, para falar de Read the rest of this entry »

Preescolar na Casa
En Revistas Educativas
Arquivos:
Translator
Galician flagItalian flagPortuguese flagEnglish flagGerman flagFrench flagSpanish flagCatalan flag