A Fundación Preescolar na Casa, a Fundación SM e a Escola Universitaria de Formación de Profesorado de Lugo-USC, organizan estas segundas xornadas coas que, baixo o título “Repensando a educación entre os 6 e os 12 anos” (Ver programa), continuamos o ciclo de debate centrado nestes anos e que se pretende teña continuidade noutras xornadas que abordarán a etapa da adolescencia (12-16). Estas xornadas serán continuación das desenvoltas o curso pasado, que levaban o título “Unha mirada á primeira infancia”, centradas no período 0-6.

Estas Xornadas terán lugar os días 3 e 10 de marzo de 2012, e as persoas interesadas en participar poderán facelo a través da web da Fundación SM.

Falarase do período 6-12 anos, no que pretende ser un espazo de encontro para analizar e debater sobre a educación nos anos da primaria, para concretar luces e sombras… retos que a nova realidade presenta e para coñecer e afondar en alternativas e propostas que xa se están realizando.
Porque é preciso facer unha análise que nos permita situar as necesidades das nenas e nenos nestas idades, xunto co modelo de persoa que queremos educar e a realidade social e educativa actual: como se da resposta na familia e na escola e cales son os aspectos que son imprescindibles repensar. Tamén será necesario debater sobre temas e necesidades máis concretas presentes na realidade cotiá (as relacións familia-escola, as novas culturas e procedencias, as novas realidades familiares, a xestión das emocións e dos conflitos…) e coñecer boas prácticas que se están desenvolvendo ao respecto.

2 Responses to “II Xornadas Educando na Infancia e na Adolescencia”