Author Archive

O Concello de Rábade aprobou por unanimidade unha moción presentada no pleno en apoio a Preescolar na Casa.  A través da mesma ínstase á  Xunta de Galicia “a manter as axudas a este servizo, para salvagardar a súa continuidade, cando menos, no nivel actual”. (Podes premer aquí para ver a moción presentada e aprobada sobre o servizo Preescolar na Casa no Concello de Rábade).

Preescolar na Casa

Reproducimos algúns fragmentos do informe das prácticas realizadas por unha alumna durante os dous últimos meses deste curso, no que con gran sensibilidade recolleu o que para ela significa e implica a actuación da Fundación Preescolar na Casa:

- “Os seus obxectivos e misión concrétanse nunha acción que eu vexo pioneira a nivel educativo.”

- “Preescolar na Casa está nun lugar privilexiado para poder identificar e intentar minimizar o risco social …onde as escolas non chegan… Antes de empezar as prácticas pensaba que a influencia familiar tiña moito que ver en determinadas condutas e necesidades especiais dos cativos e, agora, ademais de corroboralo, din por feito a necesidade e idoneidade do traballo da Fundación para enfocar a crianza e facelo de maneira reflexiva e cunha visión de futuro”

- ” En moitas ocasións, durante estes meses de prácticas, estiven exposta a aprendizaxes doutro tipo de moito maior calado, que os derivados do apartado educativo, por parte da acción da Fundación e tamén por parte dos Read the rest of this entry »

As I Xornadas educando na infancia e na adolescencia: Unha mirada á primeira infancia, reuniron en Lugo, os días 12 e 26 de marzo a preto de 200 persoas, (a maior parte profesionais da educación, pero tamén nais e estudantes) que manifestaron, a través da súa alta satisfacción coas xornadas, a necesidade dunha resposta sistémica ás necesidades da infancia e da familia (Ver noticia publicada en La Voz de Galicia). A creación desta resposta precisa a implicación dos diferentes sectores da comunidade, para repensar as ofertas e modelos educativos que existen de acordo coas seguintes premisas Read the rest of this entry »

Estamos asistindo a moitos cambios na sociedade. Cada vez son máis as familias que provenientes doutras culturas, outros países, chegan ao noso, e por conseguinte, aos centros educativos.

Esta diversidade, que debería ser un factor de enriquecemento para todos/as, en ocasións convértese nun problema. Moitos destes alumnos presentan dificultades para Read the rest of this entry »

Nos últimos cursos, a Fundación Preescolar na Casa acompaña ás familias que están no último trimestre de embarazo a través dos espazos das familias Bo comezo. Son espazos onde as  nais e pais, comparten sentimentos, dúbidas, preocupacións ao redor da próxima maternidade e paternidade, onde preguntas concretas sobre o que se van atopar ou sobre como actuar levan a descubrir  a importancia do seu papel educativo desde que o bebé nace e como poden contribuír a súa estimulación e desenvolvemento xa antes de que naza. Son espazos onde valorar e ir concretando o tipo de educación que se quere proporcionar aos fillos e fillas e onde obter recursos para relacionarse mellor con eles a través de xogos, cancións.

Por iso, a Fundación vai colaborar na distribución do cartafol Xeración dos Axóuxeres que acaba de presentar a Secretaría Xeral de Política Lingüística e que se compón de diversos materiais (cancións, contos) cos que se pretende achegar a lingua galega ás familias e aos nenos e nenas desde o nacemento.  A maior parte do material que contén o cartafol pode accederse a través da páxina web que habilitou a Secretaría http://www.xunta.es/linguagalega/xeracion_axouxeres.

Eduard Punset, un referente no que a divulgación científica se refire, invita á reflexión sobre o sistema educativo no programa Redes Nº 87. Cuestiónase o modelo educativo actual e abógase por unha reorganización na que a aprendizaxe social e emocional Read the rest of this entry »

O éxito da convocatoria das I Xornadas Educando na Infancia e na Adolescencia, esgotadas as 200 matrículas días despois de iniciarse o prazo, evidencia unha realidade: precisamos mirar á infancia para saber cara onde camiñamos como sociedade. Os nenos son o futuro dos pobos, pero tamén o presente; mirar ben á infancia, interpretala de forma que respondamos axeitadamente as súas necesidades, axudará a que nenos e nenas medren Read the rest of this entry »

A experiencia da Fundación Preescolar na Casa de máis de 30 anos orientando ás familias co fin de axudalas a exercer a súa paternidade, a súa maternidade de forma positiva, foi presentada no Grupo de Trabajo Interautonómico de Parentalidad Positiva o pasado 23 de febreiro, en Madrid.

Read the rest of this entry »

A convocatoria para participar nas I Xornadas Educando na infancia e na adolescencia: Unha mirada á primeira infancia, que se celebrarán os días 12 e 26 de marzo, en Lugo, tivo unha gran acollida, xa que aos poucos días de iniciarse o prazo de inscrición esgotáronse as prazas, sendo moitas as persoas interesadas que non van poder participar.

O éxito da convocatoria constitúe un sinal importante do interese que esperta a educación nos primeiros anos e a necesidade de que profesionais de sectores moi diversos intercambien coñecementos, experiencias e puntos de vista co obxecto de mellorar os diferentes contextos de desenvolvemento dos nenos e das nenas.

I Xornadas Educando na Infancia e na Adolescencia (Preescolar na Casa)

A Fundación Preescolar na Casa, a Fundación SM e a Escola Universitaria de Formación de Profesorado de Lugo-USC, organizan estas primeiras xornadas coas que, baixo o título Unha mirada á primeira infancia, se inicia un ciclo de debate centrado nos primeiros anos  que se pretende teña continuidade noutras xornadas que abordarán as etapas da infancia (6-12) e adolescencia (12-16).

Comezaremos polos primeiros anos, pola etapa 0-6, por ser a base da educación e desenvolvemento das persoas.

Como se concreta no Programa Unha mirada á primeira infancia, faremos unha análise da resposta que estamos dando ás necesidades dos nenos, a nivel global (políticas de infancia) e desde contextos particulares (familia, escola, comunidade); queremos elaborar unha visión da infancia desde as súas necesidades e as súas competencias, que nos leven a definir e comprender modos de intervención acordes coas mesmas, e respectuosos coas distintas realidades actuais (inmigración, novas tipoloxías familiares,…). 

As persoas interesadas nesta temática poden inscribirse a partir do día 4 de febreiro a través da páxina web da Fundación Santa María.

Ver reseña na Revista Galega do Ensino, EDUGA, editada pola Consellería de Educación da Xunta de Galicia.